Digwyddiadau

Panel Mis Hanes Pobl Dduon: Pŵer a Balchder

Dydd Iau 30 Hydref 2025
14:00 - 15:30
Mae'r digwyddiad hwn wedi mynd heibio

Yn ystod Mis Hanes Pobl Ddu, byddwn ni’n cynnal trafodaeth banel bwerus ar y cyd ag Undeb y Myfyrwyr sy’n canolbwyntio ar y thema eleni: Pŵer a Balchder.

Siaradwyr

Professor Emmanuel Ogbonna, CBE
Professor of Organisation and Management

Dr Daniela Duc
Lecturer

Judith Nkwopara
Speaker, researcher

Ali Abdi
Community organiser

Patrick Younge
Chair of Council

Yn ystod Mis Hanes Pobl Ddu, byddwn ni’n cynnal trafodaeth banel bwerus ar y cyd ag Undeb y Myfyrwyr sy’n canolbwyntio ar y thema eleni: Pŵer a Balchder.

Bydd y siaradwyr yn rhannu eu profiadau personol ac yn trafod creu newid parhaol, gan dynnu sylw at sut mae croesawu eu diwylliant a’u dilysrwydd wedi llywio eu bywydau. Rydyn ni’n falch iawn o gyhoeddi’r rhestr o siaradwyr:

Patrick Younge – Cadeirydd corff llywodraethu Prifysgol Caerdydd, Cyngor y Brifysgol, a chyn-fyfyriwr y brifysgol. Yn gyn-Brif Swyddog Creadigol y BBC, mae wedi bod yn eiriolwr gweithgar dros gydraddoldeb hil yn y cyfryngau am y 30 mlynedd diwethaf, o lansio rhaglen materion cyfoes arloesol y BBC, Black Britain, i'w rôl bresennol ar bwyllgor llywio Amrywiaeth, Ecwiti a Chynhwysiant ITV.
Yr Athro Emmanuel Ogbonna, CBE – Athro Trefnu a Rheoli yn Ysgol Busnes Caerdydd yw’r Athro Ogbonna. Cyd-gadeiriodd y grŵp llywio a ddatblygodd y Cynllun Gweithredu Cymru Wrth-hiliol.
Dr Daniela Duc – Darlithydd Cynhyrchion Fferyllol a Thechnolegau Iechyd ym Mhrifysgol Caerdydd yw Dr Duc. Mae’n arbenigwr ym maes ymchwil mewn creu rhyngwynebau niwral, datblygu bioddyfeisiau, niwrofodylu a niwrofoeseg. Mae'n rhan o dîm golygyddol y cylchgrawn UNBLOCK sy'n trin a thrafod yr heriau cyffredin ymhlith academyddion benywaidd du a’r atebion posibl.
Judith Nkwopara – Siaradwr byd-eang, ymchwilydd ac eiriolwr cydraddoldeb a chynhwysiant yw Judith. Hi yw sylfaenydd Pontio’r Bwlch – y sefydliad addysg byd-eang cyntaf i geiswyr noddfa yng Nghymru a sefydlwyd gan geisiwr lloches. Hi yw’r Arweinydd Polisi ac Eiriolaeth ar gyfer Noddfa yn y Senedd.
Ali Abdi – Trefnydd cymunedol sy'n gweithio gyda chymunedau yn Grangetown a Phrifysgol Caerdydd yw Ali.
Byddwn ni’n trafod sut y gall troi balchder yn bŵer ailddiffinio cynrychiolaeth ac ysbrydoli cenedlaethau’r dyfodol.

Gyda’n gilydd, byddwn ni’n ystyried pwysigrwydd mannau cynhwysol lle mae pŵer yn cael ei rannu, lle mae balchder yn ein diwylliannau’n cael ei groesawu a lle mae hunaniaeth bersonol yn ffynhonnell o gryfder.

Mae'r digwyddiad hwn yn gyfle i’r staff a’r myfyrwyr gymryd rhan mewn trafodaeth agored, ehangu eu dealltwriaeth a chael eu hysbrydoli gan straeon sy'n anrhydeddu'r gorffennol wrth lywio’r dyfodol.