Digwyddiadau

Cappella Fede

Dydd Mawrth 10 Mawrth 2026
19:00 - 21:00
Mae'r digwyddiad hwn wedi mynd heibio

Pris

FREE/£10/£8/£5

PRIMA DONNA CANTATAU AC ARIÂU O'R EIDAL YN Y DDEUNAWFED GANRIF SYDD NEWYDD GAEL EU DARGANFOD Antonio Vivaldi, Francesco Mancini, Pietro Pizzolo, Maria Rosa Coccia a mwy. Cyfarwyddwr Cerdd: Peter Leech

Yn 2024, darganfu Peter Leech chwe chyfrol o lawysgrifau gyda chantatau ac ariâu o ddechrau'r ddeunawfed ganrif oedd yn deillio o diroedd deheuol yr Eidal. Mae’r gyfrol, sy’n cynnwys tua 100 o eitemau, yn cynnwys cerddoriaeth gwbl anhysbys hyd yma gan gyfansoddwyr Eidalaidd blaenllaw cyfnod y Baróc, fel Francesco Mancini o Napoli, Pietro Pizzolo o Sisili ac Annibale Pio Fabri o Bologna, tenor virtuoso oedd yn enwog ledled Ewrop ac a ganodd i Handel yn Llundain. Ymhlith uchafbwyntiau’r nifer o weithiau gwych a geir yn y gyfrol y mae aria gan Antonio Vivaldi sydd wedi'i gosod i destun anhysbys, yn ogystal â gwaith offerynnol anhysbys gan yr un cyfansoddwr. Ddydd Mawrth 10 Mawrth am 19:00, yn Neuadd Gyngerdd Ysgol Cerddoriaeth Prifysgol Caerdydd, bydd Cappella Fede a Peter Leech yn cynnal y perfformiad modern cyntaf o gantatau ac ariâu dethol o'r casgliad pwysig hwn. Bydd y perfformiadau modern cyflawn cyntaf o weithiau cysegredig gan y maestra di cappella o Rufain, Maria Rosa Coccia, sef un o ddiddordebau ymchwil allweddol Leech, hefyd yn cael eu cynnwys yn rhaglen y cyngerdd.