Fe'ch gwahoddir i Sesiwn Rhwydweithio Prosiectau ac Ymgysylltu Diwydiant a gynhelir gan Academi Meddalwedd Genedlaethol (NSA) Prifysgol Caerdydd.

Bydd y digwyddiad hwn yn rhoi cyfle i chi ddarganfod mwy am yr ystod o gyfleoedd i ymgysylltu â myfyrwyr yr NSA a thrafod unrhyw syniadau sydd gennych ar gyfer prosiectau myfyrwyr, a gweithgareddau eraill gyda'n staff academaidd.

Mae amrywiaeth o ffyrdd y gallwch ymgysylltu â'r NSA a'n myfyrwyr. O gynnig prosiectau myfyrwyr, cyfleoedd gyrfa a chyflogaeth (interniaethau/lleoliadau/graddedigion), darlithoedd a sgyrsiau gwadd, cyflwyno mewn sesiynau #Lunch&Learn , i gynnal Hacathons ar gyfer datblygu cysyniadau a nawdd. Mae ymgysylltu llwyddiannus â diwydiant yn allweddol i ethos yr NSA.

Yn y digwyddiad hwn, cewch gyfle hefyd i rwydweithio â'n myfyrwyr Meistr sy'n cwblhau eu rhaglen radd MSc Peirianneg Meddalwedd , wrth iddynt arddangos y gwaith y maent wedi'i wneud ar eu prosiect traethawd hir haf. Dylai hyn roi blas i chi o'r hyn y mae ein myfyrwyr yn gallu ei wneud, a pha sgiliau sydd ganddynt i weithio gyda chi ar eich syniad prosiect yn y dyfodol.

Mae'r digwyddiad hwn yn ffordd wych i ni eich cyflwyno i'r ffyrdd y gallwch ymgysylltu â'r Academi Meddalwedd Genedlaethol a dechrau sgyrsiau am ymgysylltiadau posibl ar gyfer y flwyddyn academaidd sydd i ddod.

Cofrestrwch nawr i warantu eich lle yn y digwyddiad hwn!