Digwyddiadau

Parcffordd Caerdydd: Cysylltu Pobl, Busnes a Chyfle

Dydd Mawrth 17 Mawrth 2026
08:30 - 09:30
Mae'r digwyddiad hwn wedi mynd heibio

Ymunwch â ni ar gyfer Brecwast Briffio nesaf y Gymuned Fusnes, lle byddwn ni’n croesawu Nigel Roberts o Ddatblygiadau Parcffordd Caerdydd i drafod un o brosiectau twf a chysylltedd newydd mwyaf cyffrous Cymru. Bydd Nigel yn rhannu cipolwg arbennig ar ddatblygiad Parcffordd Caerdydd – ardal fusnes fawr newydd 200 erw sy’n cynnwys gorsaf drenau ar y brif linell, cysylltiadau trafnidiaeth rhagorol, a mynediad cynaliadwy i un o gronfeydd talent mwyaf y DU.

Siaradwr

Nigel Roberts
Cardiff Parkway Developments

Beth i’w ddisgwyl

Fe gewch chi glywed am y cynlluniau ar gyfer y datblygiad newydd a beth allai’r orsaf newydd ei olygu’n gymdeithasol ac yn economaidd. Byddwn ni’n archwilio sut mae’r prosiect yn cyd-fynd â gweledigaeth Metro De Cymru, yn cefnogi teithio mwy gwyrdd i fwy na dwy filiwn o bobl, ac yn gallu agor cyfleoedd i gyflogwyr, buddsoddwyr a phartneriaid sgiliau. Byddwch chi hefyd yn derbyn y wybodaeth ddiweddaraf am gynnydd y cynllunio ac amserlen y datblygiad.

Mae’r sesiwn wybodaeth hon yn ddelfrydol ar gyfer:

Busnesau lleol a rhanbarthol
Buddsoddwyr a phartneriaid eiddo
Darparwyr sgiliau, hyfforddiant ac addysg
Entrepreneuriaid a chwmnïau sy’n ehangu
Unrhyw un sydd â diddordeb yn nyfodol ecosystem busnes Caerdydd
Y rhai sy'n awyddus i ddysgu mwy am Barcffordd Caerdydd

Ymunwch â ni naill ai yn bersonol neu ar-lein. Yn ystod y broses gofrestru, byddwch yn cael y dewis o sut yr hoffech ymuno â ni ar gyfer y sesiwn.